Япониянинг Яманаси префектурасида яшовчи 68 ёшли Хирохито Миягва ўзига ҳужум қилган айиққа қуролсиз бас кела олди, деб хабар берди Uznayvse.ru нашри.
Миягванинг айтишича, у далада ишлаётган вақтида улкан айиқ орқасидан келиб, унга ҳужум қилган. Илгари карате бўйича мураббий бўлиб ишлаган қария ўзини йўқотиб қўймай, айиқнинг ҳужумини қайтарди. У аввалига айиқнинг кўкрагига, кейин эса қорнига зарба берди. Бундай кучли зарбани кутмаган айиқ, ортига — тоққа қочиб кетди.
Нашрнинг хабар беришича, Хансю оролида жойлашган Яманаси префетурасида бундай улкан, Ҳимолай айиқларини кўплаб учратиш мумкин. Уларнинг бўйи 150-170 сантиметрни, оғирлиги эса 140 килограммни ташкил этади.
