Орзу қилиш ҳар бир инсонга хос хусусиятдир, деб ёзди Adme.ru нашри.
Орзу-ниятнинг катта-кичиги, ўта муҳими ёки кераксизи бўлмайди. Баъзида эса улар кераксиз машғулотдай туюлади. Қуйида сизни, эртами-кечми, барча орзу-ниятларини амалга оширган инсонлар билан таништирамиз.
«Такси» фильмидаги машинани яратиб, фильм қаҳрамонини сайр қилдирган ҳайдовчи
Такси ҳайдовчиси бўлган франциялик йигит севимли «Такси» фильмидаги автомобилни яратишни ва унда фильм қаҳрамони — актёр Сами Носирийни сайр қилдиришни орзу қиларди. 2017 йилда ўтказилган фестиваль вақтида ундан аэропортда чет эллик машҳур инсонлар — мусиқачи Луи Бегу ва актёр Сами Носирийни кутиб олишни таклиф қилишди. Ана шунақа, оддий ҳайдовчи энди машҳур бўлиб кетиши турган гап.
NASAдан ишлаш таклифини олган бола
Тўртинчи синфда ўқийдиган америкалик бола NASAнинг бўш иш ўринларига эътибор қаратиб, сайёраларни ҳимоя қилувчи зобит вазифасида ҳақиқий Галактика қўриқчисига айланишни ният қилди ва NASAга мактуб йўллади. NASA директорларидан бири боланинг хатига эътибор қаратиб, унга мактабда аъло баҳоларга ўқишни тавсия қилди ва шундан кейингина NASAнинг тўлақонли аъзосига айланишини маълум қилди. Нима ҳам дердик, болакайга мақсадидан оғишмай, олға интилишини тилаб қоламиз.
Тоққа чиқмасанг дўлана қайда…
Академик эшкак эшиш бўйича икки карра Олимпиада чемпиони, британиялик эшкакчи Алекс Грегори Арктика сафарида 1000 километрни мукаммал босиб ўтганидан сўнг унинг қўллари шу аҳволга тушди.
«Келажакка қайтган» орзуманд болакай
«Келажакка қайтиб» фильмининг мухлиси бўлган олти яшар болакайнинг онаси ўғлининг туғилган кунига совға – афсонавий автони кўрсатиш учун ижтимоий тармоқлар орқали DeLorean машиналари соҳибларига мурожаат қилди. Сюрприз амалга ошди: туғилган кунда икки ватомобиль ва Док билан Марти ролларини ўйнаган артистлар пайдо бўлди.
Биргина илтимос билан орзуси амалга ошган қиз
Учувчиларнинг кабинасига киришни орзу қилган қиз рейс пайтида стюардлардан учувчилар кабинасига бош суқишга рухсат сўради. Самолёт капитани изни билан қиз нафақат штурвални ушлади, балки экипаж билан эсдаликка суратга тушди.
Лоторея чиптаси ва миллиард доллар
Оғир ишини ташлаб, маза қилиб дам олишни орзу қилган ҳамшира кўпинча лоторея чипталарини сотиб оларди. Галдаги навбатчиликдан уйга қайтишга чоғланган аёл ўйиннинг охирги намойишини кўриб қолади ва қўлидаги чипта унга қарийб миллиард доллар ютуқ келтирганига ўзи ҳам ишонмайди.
Африка ва туяқуш шайдоси
Болалигидан «Робинзонларнинг швейцарияча оиласи» китобига меҳр қўйган бу одам вояга етгач, Африкага бориб, ҳақиқий туяқушни эгарлашини кўп тасаввур қиларди. Яқинда у ўз орзусига эришди.
