15 январь куни Учтепа тумани ҳудудида эркак ёқилғи қуйиш шохобчасида навбатга риоя қилмаган аёлга қарата қурол ўқталди.
Тошкент шаҳар ИИББ матбуот хизматининг хабар беришича, ҳодиса тахминан соат 17:30 ларда Учтепа тумани ҳудудида содир бўлган. “Ласетти” русумли автомашина эгаси аёлга шохобча ичкарисига навбатсиз кириб келганлиги сабабли «МРК-654К» русумли пневматик пистолетини ўқталган.
Тошкент шаҳар ИИББ ходимлари томонидан ўтказилган тезкор тадбир давомида, фуқародан «МРК-654К» русумли пневматик пистолет олиниб, унга нисбатан тегишли ҳужжатлар расмийлаштирилган.
