Британиялик, Жаноб Бин номи билан машҳур бўлган комик актёр Роуэн Аткинсон ўзининг шахсий коллекциясига тегишли, 1989 йилда ишлаб чиқарилган икки автомобилини — Mercedes-Benz 500E ва LanciaThema 8.32 ларни Race Retro Classic Car Sale аукционига ким ошди савдосига қўйди, деб хабар берди Motor.ru нашри.
Мазкур ким ошди савдоси февраль ойида бўлиб ўтади. Аукционга қўйилган автомобиллар 80 минг километр йўл босган. Аткинсоннинг сўзларига қараганда, бу автомобиллар у қидириб топган энг ноёб автомобиллардир. LanciaThema 8.32 даги “8” ва “32” цлиндр ва клапанлар сонини англатади.
2015 йилда Аткинсон 1997 йилда харид қилган ва икки маротаба автоҳалокатга учраган McLaren F1 автомобилини 8 миллион фунт стерлинг (12,2 миллион АҚШ доллари) га сотган эди.
