Колумбиялик хонанда Шакира испан солиқ хизмати томонидан 2011-2014 йиллар мобайнида солиқ тўламаганликда гумонланмоқда, деб хабар берди Ntv.ru нашри.
Испанияда солиқ тўламаганлик учун турли фирибгарликни амалга оширган одамларга нисбатан катта миқдорда жарима солинади ёки икки йилгача озодликдан маҳрум этиш жазоси тайинланиши мумкин.
Ҳозирча Шакирага қандай жазо кўрилиши номаълум. Испания солиқ хизмати текширув ўтказиш учун прокуратурага мурожаат қилган.
40 ёшли Шакира Лотин Америкасининг энг машҳур хонандаларидан бири ҳисобланади. У испан ва инглиз тилларида куйлайди. Беш маротаба МTV Video Music Awards, икки мароатаба “Грэмми”, етти маротаба Billboard Music Awards мукофотларига сазовор бўлган. Лос-Анжелесда жойлашган хиёбонда ўз юлдузига эга. Дунё бўйича Шакиранинг 70 миллиондан ортиқ альбоми сотилган.
