Интернет орқали самолёт харид қилмоқчи бўлган Россиянинг Иркутск вилояти Братск шаҳрида яшовчи эркак фирибгарларнинг тузоғига илинди, деб хабар берди Lenta.ru нашри.
Сотувчи эркак интернет орқали самолёт сотиб олиш учун олдиндан 100 минг рубль тўлаш лозимлигини билдирган. Шундан кейин аэроплан учун зарур бўлган ҳужжатларни расмийлаштириши мумкинлигини маълум қилган ва яна қўшимча равишда 100 минг рубль тўлашни сўраган. Юқоридаги маблағни тўлаган эркак самолётини олиб кетиш учун Санкт-Петербург шаҳрига келганда, уни ҳеч ким кутиб олмаган.
Полициянинг аниқлашича, сотувчи ҳақиқатан ҳам Санкт-Петербург шаҳридан туриб харидор билан музокара олиб борган. Ҳозирда харидор пул ўтказган ҳисоб рақами, уни ким олгани юзасидан суруштирув ишлари олиб борилмоқда.
