Россиялик актриса Наталья Селезнёва соғлигидаги муаммолар ҳақида гапирди, деб хабар қилди Lenta.ru нашри.
“Мен қаттиқ касал бўлдим ва узоқ даволандим. Яқинда қалқинсимон безимни операция қилдирдим. Операция вақтида шифокорлар бошимни танамдан жудо қилишиб, кейин яна қайта тикиб қўйишди”, деди Наталья Селезнёва.
Унинг маълум қилишича, операциядан кейин буткул овозини йўқотган. Лабда чалинадиган гармошка машқлари туфайли секин-аста гапира бошлаган.
Наталья Селезнёва “Ы" операцияси ва Шурикнинг бошқа саргузаштлари”, “Иван Васильевич ўз касбини ўзгартиради” ва бир қанча бошқа фильмларда суратга тушган.
