Malaysia Airlines авиакомпаниясига тегишли йўқолган лайнер “қора қути”сининг сув ости қидирув ишлари яқин 5-7 кун ичида якунланади. Бу ҳақда Рейтер ахборот агентлиги Координацион қидирув марказига асосланиб хабар бермоқда.
Малайзия транспорт вазири Хишамуддин Хусейн айтишича, Bluefin-21 олган суратлар орқали океан туби аниқ ва тиниқ кўринмоқда. Бундан ташқари қидирув зонаси анчагина қисқартирилган.
Шунингдек, Boeing “Қора қути”сини Bluefin-21 сув ости аппарати ёрдамида океан тубида 4,5 км чуқурликда излашади.
Аввалроқ, Сув ости аппарати ўзининг максимал чуқурликка тушиши мумкин бўлган 4500 метрга етиб боргани сабабли аппаратнинг хавфсизлик тизими автоматик тарзда ишга тушиб, чуқурликка тушишни тўхтатиш тўғрисида огоҳлантирган эди. қайд этилишича, энди аппаратнинг максимал чуқурликка тушиш масофаси рекорд 4695 метрга созланди.
Эслатиб ўтамиз, 8 март куни Малайзия авиакомпаниясига қарашли бўлган самолёт парвозга чиққанидан икки соат ўтгач, сирли тарзда ғойиб бўлган. Boeing бортида 14 мамлакатдан 239 киши бўлган.
