Кипрда президентлик сайлови натижалари маълум бўлди, деб хабар берди Ntv.ru нашри.
Мамлакатнинг амалдаги раҳбари Никос Анастасиадис 35,5 % овозга эга бўлди. Кипр ишчи халқининг прогрессив партияси номзоди Ставрос Малас эса 30,25 % овоз тўплади.
Номзодлар 50 фоизли барьерга етолмаганликлари туфайли келаётган якшанба куни президентлик лавозими учун иккинчи турда қайта куч синашади.
Кипрликлар бўлғуси президентдан турклар ва греклар бўлиб олган оролни бирлаштириш, молиявий инқироздан кейин иқтисодиётни ривожлантириш каби масалаларни ҳал этишни кутишмоқда.
