Малайзияда мотоциклда кетаётган эркакни илон бўғиб ўлдирди, деб хабар берди lenta.ru нашри.
35 ёшли, ишсиз Заим Халис Коснан (Zaim Khalis Kosnan) уйига кетаётганда йўлда катта бўғма илонни учратди. У илонни олиб кетиб, сотиш мақсадида уйига қайтди ва қўлқоп, илон тутувчи мосламани олганча, мотоциклда ортига қайтди. У бу ҳақда синглисига хабар берди.
Коснан илоннинг бошидан ушлаганча мотоциклга ўтирган. Илон қаттиқ қаршилик кўрсатган ва танаси билан эркакнинг бўйнидан бўғган. Оқибатда у ҳалок бўлган. Маҳаллий аҳоли Коснанни уч ярим метрлик илоннинг домидан озод қилиш учун уни ўлдиришди.
Полиция берган маълумотга кўра, илон бўғгандан кейин эркак мотоциклдан йиқилган. Илон эса Коснанни баттароқ бўғган.
