Ўзбекистонда хизмат кўрсатган артист Севара Назархон биз билан бўлган суҳбатда ўзимизнинг санъаткорлардан кимларни кузатишини ва ким дуэт куйлашни исташини айтиб ўтди.
— Болалигимдан Ўзбекистон халқ артисти Шерали Жўраевнинг мухлисиман. Устоз ҳофиз билан дуэт куйлайманми-йўқми билмадим, аммо мен унинг мухлиси бўлиб қолавераман. Бошқа хонандаларга баҳо беришим қийин, уларнинг қай бири билан дуэт куйлашимни олдиндан айтолмайман. Тоҳир Содиқов, Руслан Шарипов, Dj Piligrimнинг санъатини ҳурмат қиламан. Ёшлардан Шаҳриёрнинг ижодини кузатиб бораман. Фикримча, у ўз устида янада кўпроқ ишласа, яхши бўларди.
