Муваффақиятсиз пластик жарроҳлик оқибатида британиялик модель қиз бурнидан айрилди, деб хабар берди lenta.ru нашри.
Хлоя Хан (Chloe Khan) ўзинингInstagram-аккаунтига 4 февраль куни мувафақиятсиз равишда ўтказилган операция натижасида бурун суягидан ажралгани акс этган фотосуратларни жойлаштирди. Унинг сўзларига қараганда, қиз мазкур операция учун 100 минг фунт стерлинг сарфлаган.
Ундан ринопластика қандай кечгани ҳақида кўп маротаба сўрашганлари учун ижтимоий тармоқларга фотосуратларини жойлаштирган. У фойдаланувчиларга бурун шаклини ўзгартириш эмас, балки уни қайта тиклаш ҳақида маълумот берган.
Қизнинг маълум қилишича, бурунни тиклаш учун қулоғидаги тоғайдан кўчириб ўтқазилган. Хлоя бошқаларни бундай операциялардан эҳтиёт бўлишга чақирган. Операция қилдириш учун шифокор танлашда адашмасликни маслаҳат берган.
