Қозоғистоннинг Алмати шаҳрида яшовчи Илай Дягилев аёллар гўзаллик танловининг финалига қадар етиб борди, деб хабар берди lenta.ru нашри.
Нашрнинг хабар беришича, 22 ёшли йигит Miss Virtual Kazakhstan гўзаллик танловида иштирок этиш учун ўзини Арина Алиева деб таништириб, у ерга фотосуратларини юборган. Финалгача етиб борган Дягилевнинг ўзи эркаклигини тан олди.
“Финалгача етиб борганимдан кейин ҳаммаси чуқурлашиб кетганлигини англадим ва Арина Алиева образини йўққа чиқаришга қарор қилдим. Танловда иштирок этиш учун Қозоғистон бўйича тўрт мингга яқин ариза келиб тушган эди, финалгача етиб бориш менга насиб этди”, деб ўз ҳаракатларига изоҳ берди Илай Дягилев.
Йигитнинг иқроридан кейин ташкилотчилар уни танловдан четлаштиришди ва финалга бошқа иштирокчи йўл олди. Дягилев унинг бундай йўл тутишига дўстлари билан гўзаллик ҳақида баҳс бойлашгани сабаб бўлганлигини важ қилиб кўрсатди. У “аёлларнинг табиий гўзаллигини тарғиб қилмоқчи бўлганлигини” маълум қилди.
