Тайландда яшовчи Жиравут Понгпхан (Jirawut Pongphan) лотереяга 42 миллион бат ютиб олгандан сўнг уйидан ўлик ҳолда топилди, деб хабар берди lenta.ru нашри.
Жасаднинг ёнидан ўз жонига қасд қилгани учун яқинларидан узр сўраб ёзилган мактуб топилган.
Бунга қадар Понгпхан ютуқни нишонлаш учун уйига барча қариндошларини, дўстларини чақирган. Эртаси куни ютуқни олиш учун чиптани қидирганда уни йўқотганлиги маълум бўлган. Чиптасиз пулни олишнинг имкони йўқлигини билган Понгпхан оғир депрессияга тушган ва кўчага чиқмаган, ишга ҳам бормаган.
Айни пайтда полиция йўқолган чиптани қидирмоқда. Уларнинг тахминига кўра чипта ўғирланган.
