Американинг Миннесота штатидаги Уилмар шаҳрида яшовчи эркак ўзи ясаган қўлбола ракетада томодан пастга учганда, йиқилиб, тан жароҳати олди, деб хабар берди lenta.ru нашри.
Эркак ўзи юрар чанғили чанага велосипед рамаси ва мотоцикланинг тутун чиқарадиган қувурини ўрнатди. Унингча, мазкур мосламалар реактив кучни ҳаракатга келтириши лозим бўлган. Ёқилғи сифатида эса Heet антифризидан фойдаланди.
40 ёшли ихтирочи синаб кўриш учун ўзининг ижод намунасини томга олиб чиқиб, унга ўтирди ва двигателни ишга туширди. Томдан учган чана 4 метр учгандан кейин пастдаги тўсиққа бориб урилди ва қорга кўмилди.
Нашрнинг хабар беришича, шошилинч хизмат ходимлари эркакни олган тан жароҳатидан қичқирганча, гараж йўлакчасида ётганини кўришган ва у касалхонага етказилган.
