Пхёнчхандаги 2018 йилги Олимпиада ўйинларининг очилиш маросими учун 65 миллион доллар маблағ сарфланди, деб маълумот берди маросимнинг креатив директори Сон Син Хван, деб ёзди РИА Новости нашри.
“Илгари бўлиб ўтган очилиш маросимлари билан рақобатлашиш қийин масала, чунки биз кичкина давлатмиз. Бюджетимиз катта бўлмаса-да, эсда қоларли шоу ўтказишга ҳаракат қилдик”, деди Сон Син Хван ўтказилган матбуот анжуманида.
Пхёнчхандаги 2018 йилги Олимпиада ўйинларининг очилиш маросимига 35 мингга яқин томошабин ташриф буюрди.
