“Мушук аёл” номини олган Жоселин Вилденстейн (Jocelyn Wildenstein) исмли оқсуяк хоним пластик жарроҳлик ҳақидаги миш-мишларни рад этди, деб хабар берди lenta.ru нашри.
У бу ҳақдаDaily Mail нашрига интервью берди.
Вилденстейн аслида швецариялик бўлгани учун ўзгача ташқи қиёфага эгалигини маълум қилди. У аксарият ҳолларда ўзини Бриджит Бардо билан адаштиришларидан нолиди. “Бу ақлсизлик, бирор француз ресторанига ташриф буюрсам, менга дарров “Салом, Бриджит!” дейишади ва ҳамма менга ўгирилиб қарайди”, деди 77 ёшли Вилденстейн.
Унинг 50 ёшли турмуш ўртоғи, дизайнер Ллойд Кляйн (Lloyd Klein) рафиқасининг ташқи қиёфаси бундан 16 йил илгари қандай бўлган бўлса, шундайлигича қолганини таъкидлади.
Жоселин Вилденстейн 90 йилларда миллиардер Алек Вилденстейнга турмушга чиқиб, у билан ажрашганда 2,5 миллиард долларга эга бўлгандан сўнг машҳурликка эришган эди.
