Суд Новосибирск вилоятининг Барабинск шаҳрида яшовчи 33 ёшли депутатнинг устидан қўзғатилган жиноят ишини кўриб чиқмоқда, деб ёзди lenta.ru нашри.
Терговнинг маълумот беришича, депутат 2017 йилнинг март ойида бир йил илгари ажрашган рафиқасининг уйига борган. Рафиқасининг алимент ундириш учун судга мурожаат қилганидан депутатнинг жаҳли чиқиб, у билан уришиб кетган ва никоҳ узугини қайтариб беришни талаб қилган.
Аёл узукни қайтаришни истамаган. Шунда депутат уни полга йиқитиб, қўлини қайирган ҳолда никоҳ узугини ечиб олган. Оқибатда аёл тан жароҳати олган. Айни пайтда депутатга нисбатан уч йилгача озодликдан маҳрум этиш жазоси тайинланиши мумкин.
