Тиббиёт қўлланадиган лаборатория ва диагностика ускуналарининг метрологик назоратини такомиллаштириш чора-тадбирлари тўғрисидаги Ҳукумат қарори имзоланди.
Қарорга кўра, тиббиёт ташкилотларида фойдаланиладиган ўлчаш функцияларига эга бўлган барча тиббий техника метрологик назоратидан ўтказилиши белгиланди. Бу ҳақда Адлия вазирлигининг "Ҳуқуқий ахборот" каналида маълум қилинди.
Тиббиёт лабораторияларининг сифати ва компетентлиги белгиланган тартибда аккредитациядан ўтказилади.
“Ўзстандарт” агентлигининг “Ўзбекистон миллий метрология институти” давлат корхонаси ҳамда ҳудудий синовлар ва сертификатлаштирилган марказлари ўлчаш функцияларига эга бўлган тиббий техника метрологик назоратини ўтказиш учун ваколатли идоралар этиб белгиланди.
Қарорда “Ўзбекистон миллий метрология институти” ДКда ҳамда ҳудудий синов ва сертификатлаштириш марказларида тиббиёт ташкилотларидаги ўлчаш функцияларига эга бўлган тиббий техника метрологик назоратини амалга ошириш бўйича ихтисослашган лаборатория ташкил қилиш назарда тутилган.
Ҳужжат матни билан www.lex.uz танишишингиз мумкин
