Американинг Флорида штатидаги Форт-Лодердейл шаҳрида бир неча минг ўсмирлар ҳамда уларнинг ўқитувчилари ва ота-оналари бутун Қўшма Штатлар бўйлаб эркин қурол сотиш назоратини кучайтиришга қаратилган намойишга чиқишди. Бунга Паркленддаги ўрта мактабда содир бўлган отишма сабаб бўлган. Отишма қурбонлари 17 кишини ташкил этган, дея хабар берди Lenta.ru нашри.
Акция қатнашчилари хукуматдан қонунчиликни ўзгартириш бўйича тезкор чора-тадбирлар кўришларини талаб қилишди.
“Қурол билан боғлиқ қонунларни деб мен билган ва севган инсонларим халок бўлишди. Энди улар орамизда йўқ”, – дея айтиб ўтди намойиш қатнашчиларидан бири. “Агар демократ республикачи ва бошқа сиёсатчиларни бирлаштирувчи куч бўлса, бу – бизнинг фарзандаримиздир”, – дея таъкидлади намойишнинг ота-оналар сафидаги қатнашчиси. Бошқалар эса сиёсатчилардан миллий ўқчилар ассоцияциясидан дотация қабул қилишни бас қилишларини талаб қилишди.
Аввалги хабарларга кўра, Парклендда отишма уюштирган америкалик Instagram саҳифасига ўзининг қурол-яроқ билан тушган фотосуратларини жойлаштиришни яхши кўрган. Округ раҳбари Бровард Бим Фернинг айтишича, жиноятчи бир қанча вақт психолог кўригидан ўтган, бироқ кейинчалик даволанишни тўхтатган.
Ўқувчиларнинг оммавий равишда отиб ташланиши 14 февраль куни содир этилган. Хужумни содир этган Николас Круз қўлга олинган. Оқибатда 17 киши халок бўлган яна 14 нафари тан жароҳати олган. Қурбонлар сони ортиши эҳтимолдан ҳоли эмас, жабрланувчиларнинг учтаси оғир аҳволда.
