Дунё масштабидаги юлдузларнинг шуҳрати, катта-катта гонорарлари ҳақида эшитишга ўрганиб қолганмиз. Аммо улар орасида эзгулик тарғиботчилари ҳам борки, уларнинг савоб ишлари ҳақида эшитиб, баъзида қулоқларимизга ишонмаймиз, дея ёзмоқда Uznayvse.ru нашри.
Опра Уинфри
АҚШнинг энг машҳур ток-шоучиси бўлмиш Опра Уинфри бир неча йиллардан буён энг саҳий юлдузлар рўйхатида етакчилик қилиб келади. 2012 йилнинг ўзида Опра ривожланаётган давлатлардаги болалар ва аёлларнинг таълим олиши учун 400 млн. АҚШ доллари ажратган.
Қолаверса, Уинфри Жанубий Африканинг камбағал оилаларидаги иқтидорли қизлар учун мактаб ҳам очган.
Киану Ривз
Кианунинг ҳаёт принципи шундан иборатки, савоб иш учун чет элларга, камбагал ўлкаларга бориш шарт эмас. Киануни кўчада тез-тез уйсиз одамлар ёнида кўриш мумкин – Голливуд юлдузи уларга озиқ-овқат, кийим-кечак сотиб олиб беради, улар билан дилдан суҳбатлашади.
Киану Ривз “Матрица”трилогиясидан олган 90 фоиз гонорарини (дарвоқе, К. Ривз трилогиянинг биринчи қисмидан 10 млн. доллардан кўпроқ гонорар олган) суратга олиш жамоасига тарқатган.
Константин Хабенский
2008 йили машҳур актёр Константин Хабенскийнинг рафиқаси Анатасия Хабенская вафот этади. Шундан сўнг Константин қаттиқ тушкунликка тушади. Бундан аввал Костя аёлининг тузалиб кетиши учун ҳар қандай ролларга рози бўлади, қарзга ботади.
У марҳума рафиқасининг хотирасига Константин Хабенский хайрия фондини ташкил қилган. Ҳозир актёр камтарин квартирада яшаб, пешана тери билан топган пулларининг катта қисмини ёрдамга муҳтож одамларга тарқатади.
