Кино оламида шундай роллар бўладики, уларни ижро этмоқ учун энг оғир синовлардан ўтишга тўғри келади, дея таъкидламоқда Uznayvse.ru нашри.
Қуйидаги актёрлар ушбу мушкулотни енгган бўлсалар-да, оқибати ўта ачинарли бўлган.
Эдриан Броуди
Идеал харизмага эга Эдриан Броуди режиссёр Роман Поланскийнинг “Пианиночи” фильмида Иккинчи жаҳон уруши пайтида очдан ўлаёзган пианочи Шпильманнинг ролини кириш учун уйидан кетиб қолган. Эдриан машинасини ҳам сотиб, телефонини ташлаб юборган ва овлоқ жойда яшай бошлаган. Овқат ҳам емай қўйган, узукун нуқул пианино чалган.
Шая Лабаф
Голливуднинг энг ғалати актёрларидан бири Шая Лабаф Иккинчи жаҳон уруши даҳшатлари ҳақида сўйловчи “Ғазаб” кинокартинасида роль ижро этиш учун юзини пичоқ билан тирнаган, тишини қоқиб олган, ҳаммом нималигини ҳам эсдан чиқарган. Эс-ҳушини йўқотган Шая шундан кейин бир неча маротаба жамоат жойида ўткинчилар билан муштлашган, ҳатто реабилитацион марказларда ётиб чиқишга ҳам улгурган.
Хит Лежер
Австралиялик машҳур актёрлардан бири Хит Лежер “Зулмат рицари” фильмидаги Жокер роли туфайли ўз ҳаётига нуқта қўйган, десак, муболаға бўлмайди. Сабаби – Хит ушбу ролга киришиш учун бир ой давомида меҳмонхона ҳужрасидан чиқмай Жокер номидан кундалик тутган. Бора-бора актёр ўзини Жокер деб ўйлаган. Суратга олиш ишлари тугагач, Лежер Жокер таъсиридан чиқиб кетолмай, кучли оғриқ қолирувчи препаратларни меъёридан ортиқ истеъмол қилиши туфайли ҳаётдан эрта кўз юмади.
