Мьянма президенти 71 ёшли У Тхин Чжо икки йиллик бошқарувдан сўнг истеъфога чиқди, деб хабар қилмоқда Синьхуа нашри.
Агентлик маълумотларига кўра, Чжо 21 март куни "дам олиш учун" ўз лавозимидан четлашган.
Таъкидланишича, республиканинг янги раҳбари яқин етти кун ичида сайланади.
Илгарироқ ОАВларда президент саломатлиги юзасидан истеъфога чиқиши эҳтимоли ҳақида хабарлар тарқалган, аммо ҳукумат ушбу хабарни инкор қилиб келаётган эди.
Тхин Чжо университет профессори, ёзувчи. Мамлакат президенти этиб парламент томонидан 2016 йилнинг мартида сайланган.
