Урганчда Фуқароларнинг ўзини ўзи бошқариш органлари фаолиятини мувофиқлаштириш бўйича Хоразм вилояти шаҳар ҳамда туманлар кенгашларига “Нексия” ва “Матиз” русумидаги хизмат автомашиналари топширилди, деб хабар бермоқда "Халқ сўзи" нашри
— Туманимизда 43 та маҳалла фуқаролар йиғини бўлиб, уларнинг фаолиятини мувофиқлаштириш ҳамда услубий ёрдам кўрсатишда кенгашнинг алоҳида ўрни бор, — дейди Фуқароларнинг ўзини ўзи бошқариш органлари фаолиятини мувофиқлаштириш бўйича Боғот тумани кенгаши раиси биринчи ўринбосари Эркин Рўзметов. — Давлат ва жамоат ташкилотлари, маҳалла фуқаролар йиғинлари билан ҳамкорликда олиб борилаётган ишлар туфайли ҳудудлардаги муаммолар бартараф этилмоқда, ҳуқуқбузарликлар камайиб, ижтимоий-маънавий муҳит барқарорлиги таъминланмоқда. Машиналар берилиши халқ билан мулоқотни янада мустаҳкамлаш, айниқса, чекка қишлоқлар аҳолисига амалий ёрдам кўрсатиш ҳамда фаолиятимизни сифат жиҳатидан янги босқичга кўтаришимизга хизмат қилади.
