“Telegram" адвокати Павел Чиковнинг ижтимоий тармоқлардаги қайдларига асосланиб, мессенжер юристлари “Роскомнадзор” устидан Россия Федерацияси Бош прокуратурасига арз қилмоқчи.
Павел Чиковнинг қайдларига кўра “Telegram" манфаатларини ҳимояловчи ташкилот “Агора”га мессенжер блоклангани учун ўз сайтларига кириш рухсатини йўқотган 73 нафар киши мурожаат қилган. Адвокат шу каби ҳолларда кўрилган зарарни аниқлаш ва судга мурожаат қилиш қўлланмасини эълон қилганини ҳам билдирган.
Чиков “Telegram" юристларининг РФ Бош прокуратурасига арз қилиш муддатини жорий йилнинг май ойи бошига тўғри келишига ишора қилган.
Эслатиб ўтамиз, шу йилнинг 13 апрелида Москва шаҳрининг Таган туман суди Россия Федарал хавфсизлик хизматига шифрлаш калитларини беришдан бош тортгани учун “Telegram"ни Россияда блоклаш бўйича “Роскомнадзор” киритган даъвони қаноатлантирган эди. Суд қарорига кўра 16 апрелдан “Telegram" Россияда блоклана бошланди. Кейинчалик мессенжер блокни четлаб ўтиш учун “Amazon” ва “Google”нинг IP-манзилларидан фойдаланганлиги ҳақида хабар тарқалди. Шундан сўнг “Роскомнадзор” “Telegram"ни блоклаш учун барча чораларни кўриши, керак бўлса мессенжернинг ишлашига ёрдам берувчи интернет ресурслар фаолиятини ҳам чеклашини маълум қилди.
18.04.2018 09:43
“Telegram" Бош прокуратурага арз қилади
