Кеча, 20 апрель куни ижтимоий тармоқларда ўқитувчи ўқувчини оёқ кийими билан ураётган видеоролик тарқалган эди.
Олиб борилган суриштирувлар натижасида, ушбу видео 11 апрель куни Урганч Автомобил ва йўллар касб-ҳунар коллежида олингани ва биология ўқитувчиси З.Нафасова ўқўвчига қўпол муносабатда бўлгани аниқланди.
13 апрель куни коллеж маъмуриятида бўлиб ўтган йиғилишда барча ўқитувчилар ва кураторлар бу борада огоҳлантирилди ва коллеж раҳбарияти 2008 йилдан бўён меҳнат қилиб келаётган биология ўқитувчиси З.Нафасова билан меҳнат шартномасини бекор қилди.
Ўзбекистон Республикаси олий ва ўрта махсус таълим вазирлиги ушбу ҳолат юзасидан жиноий иш қўзғатилганини маълум қилди, деб ёзади «Газета.uz» нашри.
Шунингдек вазирлик ўқитувчи қандай стресс ҳолатида бўлишидан қатъи назар, бундай муносабатда бўлиши мумкин эмаслигини таъкидлади.
