Туғруқ жуда машаққатли ва оғриқли жараён бўлиб, у касалхонада, мутахассислар иштирокида ҳам асоратли кечиши мумкин, деб ёзади Mix.tn.kz нашри.
22 ёшли америкалик ҳомиладор Тиа Фриман Туркия орқали Германияга қилмоқчи бўлган сафарини оғироёқ бўлса ҳам бекор қилмади. Парвоз вақтида тушлик учун лосось балиғи берилди. Тиа вегетариан бўлса-да, қорни оч қолгани учун балиқни тановул қилди. Орадан бироз ўтгач, унинг қорнида кучли оғриқ пайдо бўлди. Аёл бунга балиқ сабабчи, деб ўйлади.
Самолёт Истанбулга қўнгач, Тиа тезроқ меҳмонхонага етиб олишга шошилди. Навбатда турганда эса тўлғоқ бошланаётганлигини ҳис қилди.
Меҳмонхонага етиб келгач, Youtube каналидаги туғруқ ҳақидаги йўриқномлар билан танишди. Тиа ваннага сув тўлдириб, фарзандини сувда дунёга келтирди. Боланинг киндигини аввалдан тайёрлаб қўйган иссиқ сувда қайнатилган ип билан боғлаб, кесди.
Эртаси куни эса боласини кўтарганча, АҚШга эмас, саёҳат қилмоқчи бўлган Германия томон йўл олди. Аэропорт ходимлари чақалоқнинг ҳужжати бўлмагани учун уни ўғирланган деб ўйлашди.
Бироқ Тиа бўлиб ўтган воқеани сўзлаб бергач, аёл ва бола Америка элчихонасига олиб борилиб, тегишли ёрдам кўрсатилди. Turkish Airlines компанияси эса чақалоққа кийим-кечак, Тианинг Туркияга етиб келиши учун бепул чипта совға қилди.
Айни пайтда чақалоқ ва онаси Америкада, уларнинг соғлиги жойида. Тиа эса бўлиб ўтган воқеа ҳақида гап кетганда “Бунинг ҳайратланарли жойи йўқ” дейди.
