Тошкентнинг учта туманида тўртта замонавий оилавий поликлиника қурилади

2018 йилда Тошкент шаҳридаги учта туманда тўртта замонавий оилавий поликлиника барпо этилади. Бу ҳақда пойтахт ҳокимлиги матбуот хизмати хабар берди.

Жумладан, улардан иккитаси Юнусобод туманида, қолганлари Яшнобод ва Учтепа туманларида қурилади. Тиббиёт муассасасларининг ҳар бири 250 ўринга мўлжалланади.

Тошкент шаҳар ҳокими қарори билан поликлиникалар учун ер майдонлари ажратилган.