Тошкент шаҳар ҳокимлигининг барча турдаги йўловчи транспортини лицензиялаш ва мувофиқлаштириш департаментининг буйруғи билан 7А (Тошкент вокзали – Нурафшон кўчаси) ва 7Б (Тошкент вокзали – Нурафшон кўчаси) автобус йўналишлари ёпилди, деб хабар бермоқда ҳокимлик матбуот хизмати.
Шунингдек, шаҳар ҳокимлигининг барча турдаги йўловчи транспортини лицензиялаш ва мувофиқлаштириш департаментининг буйруғи билан 151-сонли автобус йўналиши ўзгартирилди. Энди у «Чилонзор буюм бозори – Юнусобод 19-даҳаси бекати» йўналишида қатнайди. Йўналишнинг белгиланган иш вақти: 6:00 - 21:00.
Бундан ташқари, Яккасарой туманидаги Ш.Руставели ва Муқимий кўчалари чорраҳасидаги йўл ўтказгич реконструкция қилинаётгани туфайли, 32, 132 ва 135-автобусларнинг йўналишлари вақтинчалик ўзгартирилган.
