2018 йил 10 май куни Тошкент шаҳрининг Чилонзор туманида номаълум шахс Бунёдкор кўчасида жойлашган “Дўстлик” бозори олдида қаровсиз қолдирилган Д.Р. исмли аёл бошқарувидаги “Матиз Бест” русумли автомашинасини ҳайдаб қочган.
"Олиб борилган қидирув ишлари натижасида автомашина Бунёдкор кўчасида жойлашган “Карвонбоши” ошхонаси олдидан 4 дона ғилдираклари, олд ва орқа томон ўриндиқлари, кондиционери, олд томон чироқлари ечиб кетилган, ҳамда автомашина салонида бўлган Д.Р.ни фуқаролик паспорти, ҳайдовчилик гувоҳномаси ва автомашина ҳужжатлари олиб кетилган ҳолда топилган", дейилган Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси берган хабарда.
Кўрилган чоралар натижасида ушбу жиноятни Тошкент вилоятида яшовчи муқаддам судланган М.Ю. содир этганлиги аниқланиб ушланган.
