Тўқимачилик саноатидан катта маблағ тўплаган ҳиндистонлик тадбиркор ўзининг туғилган кунига олтиндан кўйлаб тиктирди. Бу ҳақда The Daily Mail нашри хабар бермоқда.
Бизнесмен олтиндан тикилган кўйлакда Мумбай кўчалари бўйлаб ҳаракат қилган. Панкадж Паракх ўзининг 45 ёшини шу йўл билан нишонлади. Олтиндан тикилган кўйлак оғирлиги 4 килограммга тенг. Ушбу кўйлак учун бизнесмен 214 минг АҚШ доллар сарфлади.
“Юбилейимга ноодатий нарса хоҳлагандим, олтиндан тикилган кўйлак эса мен истаган вариант бўлди. Одатда мен 2-3 кг.дан кам олтин билан кўчага чиқмайман. Олтин доим мени мафтун қилиб келган. Шу туфайли, 4 килограммли олтин мен учун муаммо эмас”,-деди Панкадж.
Шунингдек, бизнесмен ушбу кўйлакда кўчага тўрт нафар қўриқчи билан чиқишига тўғри келди.
