Кореядан иш топиб беришни ваъда қилиб, катта миқдордаги пулни ўзлаштирган шахс аниқланди. Бу ҳақда ИИВ Жамоатчилик ва ОАВ билан алоқалар бошқармаси хабар берди.
Қайд қилинишича, 7 июнь куни Тошкент шаҳрининг Учтепа туман ИИБга тушган ҳужжатларга кўра, 2018 йил январь ойи охирида Тошкент вилояти Юқори Чирчиқ туманида яшовчи Х.Ким Қорақалпоғистон Республикаси Нукус шаҳрида яшовчи Р.А.га Корея Республикасига ишлаш учун юборишни ваъда қилиб, алдаб, ундан 4 100 АҚШ доллари ва 100 минг сўм пулларини олиб, шу кунга қадар яшириниб юрганлиги маълум бўлган.
Х.Кимни ушлаш чоралари кўрилган.
