Душанба куни америкалик XXXTentacion тахаллуси билан машҳур бўлган рэпер Жасей Дуэйн Онфрой АҚШнинг Флорида штатидаги Майами шаҳрида ҳалок бўлди, деб хабар берди, Vesti.ru нашри.
Ҳодиса хонанда мотосалондан чиқаётганда рўй берган. Номаълум шахс Онфройнинг олдига югуриб келиб, унга қарата ўқ узган ва рэпернинг сумкасини олганча воқеа жойидан яширинган.
Онфрой комага тушган, бироздан кейин эса Броуард округи ҳуқуқ-тартибот идораси ходимлари унинг оламдан ўтганлигини маълум қилган.
XXXTentacion Флорида штатининг Плантейшен шаҳрида 1998 йилда дунёга келган. Унинг 2017 йилнинг ёзида чиқарилган “17” номли альбоми АҚШдаги Billboard 200 савдо чартида иккинчи ўринни эгаллаган эди.
