Индонезиянинг Суматра оролидабир неча кун аввал кема ҳалокатга учраган эди, деб хабар берди ТАСС нашри.
Хабарларга кўра, воқеа оқибатида бедарак йўқолганлар сонитобора ортиб бормоқа.
ВоқеаСуматра оролининг Тоба кўлида рўй берган. Фожеа оқибатида аввалига 115 киши йўқолган, деб хабар қилинган бўлса, ҳозирга келиб,деярли 200 киши бедарак йўқолган, деб эълон қилинди.
Ушбу маълумот паромнинг бортида бўлган одамларнинг оила аъзолари томонидан берилган аризаларга кўра аниқланган. Ҳалокат чоғида кема бортида бўлган одамларнинг аниқ сони номаълумлигича қолмоқда.Сабаби кўпчилик кемага чиптасиз чиққан. Аслида эса у 48 нафар йўловчига мўлжалланган. Ҳалокат сабаблари аниқлангани йўқ.
Бироқ фожеага кемага ҳаддан зиёд одам чиққанлиги сабаб бўлган, деган тахминлар бор. Омон қолган 18 киши эса кўлда кучли шамол туриб, ҳаво ёмонлашганини таъкидлашмоқда.Қидирув- қутқарув ишлари давом этмоқда. Кўлнинг чуқурлиги 450метр бўлиб, ноқулай шароит сабаб унинг тубигача етишнинг иложи бўлмаяпти.
