Россияда якуни сари яқинлашаётган Жаҳон чемпионатининг иккинчи финалчиси ҳам аниқланди.
ЖЧ-2018 иккинчи ярим финал учрашуви ғолиби қўшимлар бўлимларда аниқланди. Ўйиннинг асосий вақтида 1:1 ҳисоби қайд этилди. Аввалига 5-дақиқада Триппьер инглизларни ҳисобда олдинга олиб чиқди, деб ёзмоқда Оламспорт нашри.
Учрашувнинг 68-дақиқасида Иван Перишич мувозанатни тиклади. Ўйиннинг 109-дақиқасида эса Марио Манжукич Хорватияни финалга олиб чиқувчи голга муаллифлик қилди. Энди Хорватия ва Франция терма жамоалари ўзаро ўйинда жаҳон чемпиони номини аниқлаб беришади.
ЖЧ-2018. Ярим финал.
Хорватия - Англия 2:1
"Лужники" стадиони.
Голлар: 0:1 – 5 Триппьер, 1:1 – 68 Перишич, 2:1 – 109 Манжукич.
Хорватия – Субашич, Ловрен, Стринич (Пиварич, 95), Врсалько, Вида, Ракитич, Брозович, Перишич, Модрич (Бадель, 119), Ребич (Крамарич, 101), Манжукич (Чорлука, 115).
Англия – Пикфорд, Уокер (Варди, 112), Стоунз, Янг (Роуз, 90), Магуайр, Алли, Лингард, Стерлинг (Рэшфорд, 74), Хендерсон (Дайер, 97), Триппьер, Кейн.
Бош ҳакам: Жунейт Чақир (Туркия)
Огоҳлантиришлар: Манжукич (48), Уокер (54), Ребич (96).
