2014 йил 29 август куни Ўзбекистон Республикаси Олий Мажлисининг Сенати Конституциявий суд ва Олий суднинг янги раисларини сайлади. Бу ҳақда ЎзА хабар беради.
Ўзбекистон Республикаси Олий Мажлисининг Сенати Шаюнус Аюбджанович Газиевни Ўзбекистон Республикаси Олий судининг раиси этиб сайлади ва шу муносабат билан у Ўзбекистон Республикаси Олий суди раисининг биринчи ўринбосари лавозимидан озод қилинди.
Шунингдек, Сенат Буритош Мустафаевни Ўзбекистон Республикаси Конституциявий суди раисининг ўринбосари этиб сайлади ва шу муносабат билан у Ўзбекистон Республикаси Олий судининг раиси лавозимидан озод қилинди.
Бахтияр Шамсутдинович Мирбабаев эса Ўзбекистон Республикаси Конституциявий судининг раиси этиб сайланди ва шу муносабат билан у Ўзбекистон Республикаси Конституциявий суди раисининг ўринбосари лавозимидан озод қилинди.
Ушбу қарорлар қабул қилинган кундан эътиборан кучга кирди.
