Гиннеснинг рекордлари китобининг 60 йиллик юбилей нашри чоп этилди

Guinness World Records – яъни Гиннеснинг рекордлари китоби илк бор 1955 йилда “Гинесс” пиво ишлаб чиқарувчи компаниянинг буюртмасига асосан чиқа бошлаган. Айни кунда ушбу китоб 23 тилда дунёнинг 100 дан ортиқ мамлакатларида чоп этилади. Унинг рус тилидаги илк нашри 1989 йили чиққан. 2015 йилда ушбу китобнинг чоп этилаётганига 60 йил тўлади.

Фурсатдан фойдаланиб, Guinnes World Records 2015 китобидан ўрин олган бир қанча рекордлар билан танишамиз.

• Сиз кўриб турган ушбу гитара дунёдаги энг улкан гитара саналади. У Техас илм ва техника академияси талабалари томонидан яратилган. Узунлиги 13 метр, оғирлиги эса 900 килограммни ташкил этади.

• Дунёдаги энг кичик уй эса Лондонлик Яник Рид томонидан яратилган. Ғилдиракли ушбу уйчанинг узунлиги 2,39 метрни, баландлиги эса 1,53 метрни, кенглиги бор-йўғи 79 сантиметрни ташкил этади.

• Китобга полициячилар киядиган бош кийимларини йиғиш бўйича ўрнатган рекорди билан Германиялик Андреас Скала ҳам ўрин олган.

• Тутқунликда ўстирилган дунёдаги энг катта қисқичбақа Японияда истиқомат қилади. Унинг исми “Катта ота”. Унинг оёқларининг узунлиги 3 метрни ташкил этади.

• Гиннеснинг рекордлари китобининг навбатдаги қаҳрамони Жейсон Макнабдир. У бир дақиқада 123 дона Чили аччиқ гармдориларини ея олади.

• Япониялик Акико Обата эса пластмасс маҳсулотидан тайёрланган сунъий овқатлардан тўплаган коллекцияси билан рекорд ўрнатган. Ушбу “таом”ларнинг сони 8 000 дан ошади.

• Борк Браун дунёдаги энг баланд бўйли ўсмир саналади. Унинг бўйи 2 метр 17 сантиметрни ташкил этади. Борк 45 ўлчамдаги пойафзални кияди.

Гиннеснинг рекордлари китобига яна кўплаб бир-биридан ажойиб рекордлар киритилган. Ушбу китобга маҳсус буюрма асосида эга бўлиш мумкин.