Португалия терма жамоаси ва Туриннинг “Ювентус” клуби ҳужумчиси Криштиану Роналду навбатдаги клуб машғулотларида ўзининг маҳорати билан алоҳида ажралиб турди, деб маълум қилмоқда News.day.az нашри.
Машғулотлар пайтида футболчилар аниқлик борасида мусобақа ўйнашди. Ҳаводан тўпни дарвоза устунига йўллаш лозим эди. Роналду буни амаллагач, қўшимчасига тўпни дарвоза тўрига елкаси билан йўллади.
Роналду расмий равишда “Ювентус” таркибида илк матчини 18 август куни А сериясида “Кьево” жамоаси билан бўладиган ўйинда ўтказиши мумкин.
