Кеча Мьянма давлатининг Янгон шаҳрида 19 ёшгача бўлган ёшлар ўртасидаги Осиё чемпионатига старт берилди. Унда иккита гуруҳда ўйинлар ниҳоясига етди.
Равшан Ҳайдаров бошчилигидаги Ўзбекистон термаси бўлса, бугун Индонезияга қарши майдонга тушади.
Ўйинга бўлган қизиқиш ўзбекистонлик ишқибозлар орасида анчагинани ташкил қилади. Бу табиийдир. Зеро, ўртада ЖЧ-2015 мусобақасига бериладиган йўлланма турибди.
"Спорт" телеканали ушбу ўйинни жонли равишда эфирга узатади. Умид қиламиз, термамиз дастлабки ўйинда керакли натижани қўлга киритади.
