Тошкентдаги Сингапур менежментни ривожлантириш институти (ТСМРИ)да 10 октябр куни Ўзбекистон халқ ёзувчиси Тоҳир Малик билан институт талабалари ва ходимлари иштирокида учрашув бўлиб ўтди.
Суҳбат давомида адиб ўзининг ўгитлари, ҳаётий тажрибалари ва ўй-кечинмалари билан ўртоқлашди. Айниқса, Тоҳир Малик ёшларнинг илм олиши ва улар Ўзбекистоннинг асосий таянчи эканлигини алоҳида таъкидлаб ўтди.
«Бу давлат пойдевори рўё устига қурилмаган. Бизнинг буюк тарихимиз, улуғ бобокалонларимиз бор ва бизнинг томиримизда шундай буюк зотлар қони оқмоқда», – дея Тоҳир Малик ёшларни аждодларга муносиб авлод бўлишга чорлади.
