Мексикада жамоат фаоли Атилано Романа Тирадони (Atilano Roman Tirado) кундалик радиодастурни олиб бораётганда ҳалок қилишди. Associated Press хабарига кўра, фалокат Синалоа штатининг Масатлан шаҳрида содир бўлган.
Икки жиноятчи Fiesta Mexicana радиостанциясига бостириб киришган ва Тирадони қандай топишни сўраган. Маъмур уларга кутиб туришларини, Тирадо билан дастур якунлангач учрашишлари мумкинилигини айтган, - дейди радиостанция директори Серхио Онтиверос (Sergio Ontiveros).
Шундан сўнг улардан бири ичкарида қолган ва тўғридан-тўғри эфир олиб бориладиган студияга қарата икки марта ўқ узган. Ўқлар Тирадонинг боши ва кўкрагига теккан бўлиб, у касалхонага олиб кетилган, натижада эса ҳалок бўлган.
Ушбу ҳолат Мексика тарихидаги илк тўғридан-тўғри эфирдаги қотиллик дея эълон қилинган.
