Японияда содир бўлаётган Вонгфонг тўфони сабабли икки киши ҳалок бўлди ва 100 дан ортиқ киши жабр кўрди. Ҳар икки ҳалок бўлган шахс қариялардир.
Кучли тўлқин бир қанча одамни океанга улоқтириб ташлади.
Гарчи тўфон кучи камайган бўлса-да, унинг хавфи ҳали ҳам йўқолгани йўқ. Тезлиги сониясига 40 метрни ташкил этади.
Тошқин ва кўчки хавфи туфайли деярли 930 минг одам вақтинчалик эвакуация қилиниши ҳақида огоҳлантирилди.
Фалокат оқибатида Японияда транспорт ҳаракати издан чиқди. Душанба куни 640га яқин авиарейлар бекор қилинди.
