Бугун, 10 октябрь куни Навоий вилояти Кармана туманида мудҳиш йўл-транспорт ҳодисаси содир бўлди. Бу ҳақда Фавқулодда вазиятлар вазирлиги матбуот хизмати хабар берди.
Қайд қилинишича, шу куни соат 01: 20ларда Кармана тумани ҳудудидан ўтувчи М-37 "Қизилтепа-Кармана" автомобиль йўлининг 188-км.да ҳаракатланиб кетаетган "Нексия-2" русумли автомобиль бошқарувни йўқотиб, қарама-қарши йўналишда ҳаракатланиб келаётган "SHAANXI SX" русумли юк машинаси билан тўқнашув содир этган.
ЙТҲ натижасида 7 нафар фуқаро воқеа жойида ҳалок бўлган.
Ҳалок бўлган фуқаролар:
1. Ғафур Рахматов, 1985 г. ©. («Нексия» автомобили ҳайдовчиси).
2. Интизор Жўраева, 1986 г. ©. («Нексия» автомобили йўловчиси).
3. Зарнигор Жўраева, 1991 г. ©. («Нексия» автомобили йўловчиси).
4. Фаёз Шахриёров, 1987 г. ©. («Нексия» автомобили йўловчиси).
5. Асадбек Ғуломов, 2010 г. ©. («Нексия» автомобили йўловчиси).
6. Шохрух Ғуломов, 2013 й.т. (“Нексия” автомобили йўловчиси).
7. Фирдавс Собиров, 2016 й.т. (“Нексия” автомобили йўловчиси).
Содир бўлган ЙТҲ юзасидан дастлабки терговолди текширув ишлари олиб борилмоқда.
