Бугун, 12 октябрь куни соат тахминан 17.50 атрофида Юнусобод тумани, Алишер Навоий кўчасида "Чорсу-Янгиобод" йўналиши бўйича ҳаракатланувчи "ISUZU SAZ" русумли йўловчи автобуси чироқ устунига бориб урилган.
Автобус ҳайдовчиси 34 ёшли Сарвар М.нинг сўзларига кўра, автобуснинг олдида ҳаракатланаётган автомашина светофорнинг тўхташ белгисига кутилмаганда тўхтаган. Шунда, автомашинага урилмаслик учун ҳайдовчи автобус рулини буриб юборган, натижада устунга бориб урилган.
Автобус салонида 10-12 йўловчи бўлган. 5 нафар йўловчи тан жароҳати олган ва касалхонага етказилган.
