Англияда истиқомат қилувчи Киран Халлидей айни дамда 19 ёшда. Унинг бўйи бир йилда қарийб 20 сантиметрга ўсмоқда. Бу ҳақда news.rambler.ru нашри маълумот беради.
Бунинг сабаби шундаки, Кираннинг бош миясидаги ўсимта аниқланган. Ушбу зарарсиз ўсимта Кираннинг бўйининг узлуксиз равишда ўсишига сабаб бўлмоқда. Уэльс Университет госпитали жарроҳлари Кираннинг бош миясидаги ўсимтани олиб ташлашди, бироқ ана шу ўсимта оқибатида унда акромегалия-гигантлик касаллиги ташҳисини қўйишди.
Ушбу касаллик организмда доимий равишда бўй ўсишига жавоб берувчи гармоннинг кўп миқдорда ишлаб чиқаришига олиб келади. Шу билан бирга ушбу касаллик оқибатида қўл, оёқ, тананинг бошқа қисмларидаги суяклар ҳам ўса бошлаши мумкин. Англияда ҳар юз кишининг 6 нафари ушбу касалликдан азият чекади.
Акромегалия-гигантизм касаллиги зарарсиз мия ўсимтаси сабабли келиб чиқади.
