Олимлар Намибиядаги филни етти йил кузатишди ва улар ёмғир овозини 200-240 км узоқликдан эшитишлари мумкинлигини аниқлашди.
Виржиния университети биологлари 14 та Намибия филларига кузатиш мосламасини ўрнатишди ва уларнинг ҳаракатларини 2002-2009 йиллар давомида кузатиб боришди. Бу билан улар филлар нима учун ҳеч қандай сабабсиз миграция йўналишини ўзгартиришларини аниқлашмоқчи эди.
Олинган маълумотлар шуни кўрсатдики, уларнинг эшитиш қобилиятлари ўта кучли. Жониворлар бошланиши мумкин бўлган ёмғир овозини 200-240 километр узоқликдан эшитишади.
