Жанубий Кореяда ўтказилган поп-концерт чоғида ўн тўрт киши ҳалок бўлди. Бу ҳақида “Ренхап” агентлиги маълумотига таянган ҳолда Agence France-Presse хабар бермоқда. Яна ўн бир киши жабр кўрган.
Тадбир Сеулдан унчалик узоқ бўлмаган Соннам (Seongnam) шаҳрида очиқ осмон остида ташкил этилган эди. Концерт вақтида оғирлиги сабаб вентиляция панжараси йиғилганлар устига қулаб тушган. Натижада 25 киши ерости машиналар тўхташ жойига тушиб кетишган. Яъни 20 метрлар чамаси узоқликка йиқилишган.
Воқеа сабаби аниқланмаган. Маҳаллий телевидение маълумотига кўра, концертга йиғилган томошабинларнинг кўпчилиги талабалар бўлган.
