Профессионал бокснинг супероғир вазн тоифасида собиқ жаҳон чемпиони Тайсон Фьюрининг отаси Жон Фьюрига АҚШга кириш учун виза тақдим этилмади, деб хабар бермоқда The Mirror нашри.
Жон Фьюри 2011 йилда безорилиги учун озодликдан маҳрум қилинган. Ўшанда у бир эркакнинг кўзини деярли ўйиб олган эди. Суд Жоннинг бу қилмиши учун 11 йиллик қамоқ жазосига маҳкум қилган. Лекин кейинчалик бу муддат 4 йилга туширилган. АҚШ айнан шу қилмиши учун Жон Фьюрига виза бермади.
Эслатиб ўтамиз, Тайсон Фьюри 1 декабрь куни АҚШнинг Лос-Анжелес шаҳрида WBC чемпиони америкалик Деонтей Уайлдерга қарши рингга кўтарилади.
