20 ноябрь куни Халқ депутатлари Тўрткўл туман кенгашининг навбатдан ташқари сессияси бўлиб ўтди.
Унда Қорақалпоғистон Республикаси Жўқорғи Кенгеси раиси М.Ерниязов, Ўзбекистон Республикаси Бош прокурори О.Муродов, Ўзбекистон Республикаси Президенти Администрациясининг маъсул хизматчиси О.Насировлар иштирок этди.
Қорақалпоғистон ахборот агентлиги хабарига кўра, сессияда ташкилий масала кўрилиб, Тўрткўл туманига янги ҳоким тайинланди.
Аввал Қашқадарё вилояти прокурорининг ўринбосари бўлиб ишлаб келган Янгабой Аминович Бабаджанов Тўрткўл туманининг ҳокими лавозимига тайинланди.
