2014 йилнинг 22 октябр куни Ўзбекистон Республикаси Ташқи ишлар вазирлигида Қозоғистон Республикасининг Шанхай ҳамкорлик ташкилоти фаолияти масалалари бўйича Миллий координатори, ТИВнинг махсус топшириқлар бўйича Элчиси Шахрат Нуришев бошчилигидаги делегация билан учрашув бўлиб ўтди.
2012-2014-йилларда Ўзбекистон ва Қозоғистон ташқи сиёсий идоралари ўртасидаги ҳамкорлик Дастурига мувофиқ ШҲТ доирасидаги ўзаро алоқалар масалалари муҳокама қилинди.
Хусусан, жорий йилда бўлиб ўтадиган низомий органлар тадбирлари, шу жумладан 2014 йилнинг декабр ойида Остона шаҳридаги ШҲТга аъзо давлатлар ҳукумат раҳбарлари (бош-вазирлар) Кенгаши йиғилишига тайёргарлик жараёни кўриб чиқилди.
